வட்டி விகிதத்தை உயர்த்திய ஆர்பிஐ... வட்டி விகிதம் 25 புள்ளிகள் உயர்வு!!1213127776

வட்டி விகிதத்தை உயர்த்திய ஆர்பிஐ... வட்டி விகிதம் 25 புள்ளிகள் உயர்வு!!

இந்திய ரிசர்வ் வங்கி கவர்னர் சக்திகாந்த தாஸ், ரெப்போ வட்டி விகிதத்தை 25 அடிப்படை புள்ளிகள் உயர்த்துவதாக அறிவித்துள்ளார். இந்த வட்டி விகித உயர்வை அடுத்து குறுகிய கால கடனுக்கான வட்டி விகிதம் 6.5 சதவீதமாக உயர்த்தியது. 

ரிச்ர்வ் வங்கியின் நிதி கொள்கை கூட்டத்தில் இந்த வட்டி விகித உயர்வு குறித்த முடிவு எடுக்கப்பட்டுள்ளது. 2023ம் ஆண்டின் முதல் வட்டி விகித உயர்வு இதுவே ஆகும். இதற்கு முன் டிசம்பர் 7ம் தேதி நடைபெற்ற கூட்டத்தில் ரெப்போ விகிதம் 35 பிபிஎஸ் உயர்த்தப்பட்டது.

கடந்த இரண்டு மாதங்களாக பணவீக்க விகிதம் சரிவடைந்த நிலையிலும் வட்டி விகிதத்தை குறைப்பதற்கான வழிகள் இல்லை. ஏனெனில் நிலைமை இன்னும் கட்டுக்குள் வரவில்லை என்றும், சர்வதேச சந்தையில் நிலையற்ற தன்மை நிலவுவதாலும் வட்டி விகித உயர்வு தொடர்கிறது என சக்தி காந்ததாஸ் அறிவித்துள்ளார். 

நிலையற்ற உலகளாவிய வளர்ச்சிகளுக்கு மத்தியில், இந்தியப் பொருளாதாரம் நெகிழ்ச்சியுடன் உள்ளது என்று தாஸ் கூறினார். இருப்பினும், பலவீனமான உலகளாவிய தேவை மற்றும் தற்போதைய பொருளாதார சூழல் ஆகியவை உள்நாட்டு வளர்ச்சிக்கு அழுத்தம் ஏற்படுத்த கூடிய காரணிகளாக உள்ளது. 

2022-23க்கான GDP வளர்ச்சி கணிப்பு 6.8 சதவீதத்தில் இருந்து 7 சதவீதமாக உயரும் என்றும் சக்தி காந்ததாஸ் தெரிவித்தார். 2023-24ம் நிதியாண்டில் வளர்ச்சி விகிதம் 6.4 சதவீதமாக நிர்ணயிக்கப்பட்டது. நிதியமைச்சகத்தின் சமீபத்திய பொருளாதார ஆய்வறிக்கையில், 2023-24ல் வளர்ச்சி 6-6.8 சதவீதமாக இருக்கும் என தெரிவிக்கப்பட்டிருந்தது. 

ரிசர்வ் வங்கி கவர்னர், "உலகப் பொருளாதாரம் இப்போது அவ்வளவு மோசமாகத் தெரியவில்லை" என்றும், பணவீக்கம் குறைந்து வருகிறது என்றும் கூறினார். நான்காவது காலாண்டில் சில்லறை பணவீக்கம் சராசரியாக 5.7 சதவீதமாக இருக்கும் என எதிர்பார்க்கப்படுகிறது. ஆனால் முக்கிய பணவீக்கம் அதிகமாக உள்ளது. FY23 க்கு, பணவீக்கக் கணிப்பு 6.5 சதவீதமாக வைக்கப்பட்டுள்ளது. FY24க்கு, பணவீக்கம் 5.3 சதவீதமாக நிர்ணயிக்கப்பட்டுள்ளது.

அடுத்த நிதியாண்டில் பணவீக்கம் மிதமானதாக இருந்தாலும், அது 4 சதவீதத்திற்கு மேல் இருக்கும் என்றும் அவர் கூறினார். ரிசர்வ் வங்கி பணவீக்கத்தை 4 சதவீதமாக இருபுறமும் 2 சதவீதம் என்ற அளவில் வைத்திருக்க வேண்டும்.


அரசு பத்திரங்கள் சந்தையின் நேரம் காலை 9 மணி முதல் மாலை 5 மணி வரை தொற்றுநோய்க்கு முந்தைய நிலைக்கு மீட்டெடுக்கப்பட்டது என்று கவர்னர் தெரிவித்தார். RBI இப்போது G-secs கடன் மற்றும் கடன் வாங்க அனுமதிக்கும்.

ரிசர்வ் வங்கியின் பணவியல் கொள்கையானது பொருளாதாரத்தில் வங்கி மற்றும் கடன் விகிதங்களை வழிநடத்துகிறது. ரெப்போ விகிதம் உயர்த்தப்பட்டால், அது பொதுவாக வைப்புத்தொகை மற்றும் கடன் வட்டி விகிதங்கள் அதிகரிக்கும். ரெப்போ விகிதம் குறைக்கப்படும்போதும் இதே முறைதான் பின்பற்றப்படுகிறது. 

வட்டி விகிதம் உயர்த்தப்பட்டுள்ளதால், கடனுக்கான இ எம் ஐ தொகை அதிகரிக்கும்